العودة   منتديات عرب هارد > >
اسم العضو
كلمة المرور
 
 
  1  - ( 2011-09-29, 01:10 PM )
Angel Of Dark
بنت الجيران وما ادراك ما بنت الجيران





بنــت الجيرااان
حدث فى حقبة من حقب الزمن...


الحكاية بتبدأ من حوالى سنتين....
العفش بينزل من على عربية النقل...



و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..



و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)



و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...



الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..



و لما شافتنى زى ما تكون شافت عفريت ودخلت على جوة جرى...



و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام



الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...



و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...



لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
"









***********




"
"


"
قالتلى عندى 3 سنين




رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض


ما هو انا برضه اتخميت


فقلت لازم اعمله فيكم






  2  - ( 2011-09-29, 02:31 PM )
DR .WEB
رد: بنت الجيران وما ادراك ما بنت الجيران


ههههههههههههه
جامد يا ابن والدي يا جامد



  3  - ( 2011-09-29, 04:10 PM )
Sea girl
رد: بنت الجيران وما ادراك ما بنت الجيران


ههههههههه
ماشى



  4  - ( 2012-09-11, 06:53 AM )
Romio
رد: بنت الجيران وما ادراك ما بنت الجيران


مشكور يا فنان



  5  - ( 2012-09-11, 06:59 AM )
Jack
رد: بنت الجيران وما ادراك ما بنت الجيران


روعه جدا تسلم



  6  - ( 2012-09-11, 07:03 AM )
Ashly Green
رد: بنت الجيران وما ادراك ما بنت الجيران


تسلم الايادي يا قمرى



  7  - ( 2012-09-11, 07:06 AM )
Megan
رد: بنت الجيران وما ادراك ما بنت الجيران


تسلم الايادي يا بعد قلبى



  8  - ( 2012-09-11, 07:07 AM )
Twilight
رد: بنت الجيران وما ادراك ما بنت الجيران


ميرسي يا قمر



 

الكلمات الدلالية (Tags)
الجدران, ادراك

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع المنتدى
ديكورات ورق الحائط ، ديكورات ورق الجدران ديكورات - حمامات ومطابخ - شقق ومنازل
طلاء الحائط ، طلاء الحوائط ، طلاء جدران ، طلاء الجدران ديكورات - حمامات ومطابخ - شقق ومنازل
ديكورات ورق الحائط 2012 ، احدث اشكال ورق الجدران 2012 ديكورات - حمامات ومطابخ - شقق ومنازل
ديكورات جبس للاسقف و الجدران 2012 ديكورات - حمامات ومطابخ - شقق ومنازل


الساعة الآن 11:17 AM


Powered by vBulletin® Copyright ©2000 - 2014, Jelsoft Enterprises Ltd.
Search Engine Friendly URLs by vBSEO
جميع المشاركات والمواضيع في المنتدى لا تعبر عن رأي إدارته بل تمثل وجهة نظر كاتبها فقط